مردوم هوطؤ اونِ نيا گودن. اونِ دسِ مئنه كه ولگ دبو، خو سر جؤر چرخوني، كمره كه تؤ دئه. پَه كه پس‌وپيش نه. اوكته دسِ كه خو كمر زي، ويت. مردوم ايسي اونِ نيا گودن. ايسي اونِ سَره جؤر، دس مئنه ولگه، اونِ رخاصي مئنه پيچ و تؤ خوري ريه رشكه بما طلايي مو كه بخاله صد ساله آؤ و شؤنه رنگه نده يا، ايسي اونِ سيه لخت و عور لگه كه خو كهنه دنپايا كنار تودابو، بي واخوه، مَسّ و خوشابو رخاصي كأدبو. همه اونِ رخاصي جي حيرون بومؤنسه بؤن.